Sot jıýrıiniń biliktilik komıssııasy Pavlodar oblysy sottarynyń sýdıalarynyń kásibı qyzmetine baǵalaý júrgizdi
ASTANA. QazAqparat - Eńbek ótili 5 jyldan 20 jylǵa deıingi aralyqta bolatyn Pavlodar oblystyq sottary sýdıalarynyń kásibı qyzmeti baǵalandy.
Oblystaǵy sottardyń 55 sýdıasynyń kásibı qyzmetin baǵalaý nátıjesi boıynsha 53 sýdıa atqaratyn laýazymyna saı dep tanyldy. Eki sýdıaǵa kásibı biliktiligin arttyrýǵa jáne bir jyl ótkennen keıin kásibı qyzmetine qaıta baǵalaý júrgizý jóninde usynym jasaldy.
Sot jıýrıi biliktilik komıssııasynyń músheleri, sondaı-aq, Pavlodar oblysy sottary sýdıalarynyń kásibı qyzmetin baǵalaý barysynda, Ekibastuz qalalyq sotynyń sýdıasy men kámeletke tolmaǵandar isteri jónindegi mamandandyrylǵan aýdanaralyq sotynyń sýdıasyn joǵary turǵan satydaǵy sottyń laýazymyna kadr rezervine qoıý týraly usynym jasady.
Oblystaǵy 9 sýdıanyń sot ádildigin júzege asyrý barysynda jumys kórsetkishteriniń, sonymen qatar, materıaldyq jáne protsessýaldyq quqyq normalaryn meńgerýde biliktilikteri tómen bolǵan sebepti, eskertý jasaý arqyly ótkendigi atap ótildi.
