Sot júıesinde kadr tapshylyǵy azaıdy

ASTANA. KAZINFORM — Qazaqstanda sot júıesindegi kadr tapshylyǵy azaıdy. Bul týraly Ortalyq kommýnıkatsııalar qyzmetinde Joǵary Sot Keńesiniń múshesi Janat Ospanova málimdedi.

Onyń aıtýynsha, 2025 jyly 151 jańa sýdıa taǵaıyndalǵan.

— Sonyń nátıjesinde kadrlarmen qamtylý deńgeıi 97,5%-dan 131,3%-ǵa deıin ósti. Bul sot júıesinde alǵash ret kadrlyq shyǵynnyń ornyn tolyqtyryp qana qoımaı, taza ósimge qol jetkizilgenin kórsetedi, — dedi Janat Ospanova.

Sot júıesindegi negizgi ózgeristerdiń biri — vakanttyq laýazymdardyń qysqarýy.

— Sońǵy bes jyl boıy úmitkerlerdiń bolmaýyna baılanysty tolyqtyrylmaı kelgen 64 vakanttyq laýazym alǵash ret jabyldy, — dedi ol.

2026 jyly da kadrlardy tolyqtyrý jumysy jalǵasty.

— Memleket basshysynyń 2026 jylǵy 2 naýryzdaǵy Jarlyǵymen 128 aýdandyq sot sýdıasy taǵaıyndaldy. Sonyń nátıjesinde bos laýazymdar sany 230-ǵa deıin qysqardy, — dedi Janat Ospanova.

Qazir 41 kandıdat arnaıy tekserýlerden ótip, sottarda taǵylymdamadan ótýde. Olardy taǵaıyndaý nátıjesinde bos laýazymdar sany 189-ǵa deıin azaıady dep kútiledi. Osylaısha, sot júıesindegi kadrlyq jaǵdaı turaqtana bastady.

Aıta keteıik, buǵan deıin 2025 jylǵy 1 shildeden bastap Astanada kassatsııalyq sottar jumysyn bastaǵany habarlanǵan bolatyn.