Sot júıesiniń qyzmetin odan ári jetildirýge baǵyttalǵan zań jobalary Parlamentte qaralatyn boldy
TANA. 27 qazan. QazAqparat /Aıdar Ospanalıev/ - Sot júıesiniń qyzmetin odan ári jetildirý, el sýdıalarynyń táýelsizdigin nyǵaıtý máselelerine arnalǵan zań jobalary Úkimet tarapynan qoldaý tapty.
Bul týraly búgin jýrnalıstermen bolǵan brıfıngte Joǵarǵy sottyń resmı ókili Oksana Peters málim etti.
Onyń aıtýynsha, atalǵan zań jobalary endi Parlamenttiń qaraýyna berilmek. «Aıta ketetin másele, bul zań jobalary Elbasy Nursultan Nazarbaevtyń 2009 jyly ótken sýdıalardyń 5-shi sezinde qoıǵan talaptardy oryndaýǵa baǵyttalǵan. Zań jobalarynyń bir bóligi Joǵarǵy sot keńesiniń rólin kúsheıtýdi kózdeıdi.
«Zań kúshine enetin bolsa, Joǵarǵy sot keńesi aýdandyq jáne oblystyq sot sýdıalarynyń sanyn, jergilikti jáne ózge de sot sýdıalarynyń sanyn bekitý múmkindigine ıe bolady. Sonymen qatar Joǵarǵy sot keńesi jergilikti jáne ózge de sottardyń ataýyn ózgertý quqyǵyna ıe bolyp, sottaǵy kez-kelgen reforma Joǵarǵy sot keńesimen kelisilgen túrde júzege asatyn bolady», - dedi resmı ókil.
