Sot júıesin reformalaý boıynsha naqty zańnamalyq is-sharalar ázirlenedi
«Sot júıesin reformalaý boıynsha naqty zańnamalyq is-sharalar ázirlenetin bolady. Azamattyq jáne ákimshilik sot isin júrgizýdi reformalaý Parlament depýtattary bastamashylyq etken sot júıesin reformalaý jónindegi zań jobasy aıasynda pysyqtaldy. Qylmystyq sot isin júrgizýdi qylmystyq jáne qylmystyq is júrgizý kodeksterine júrgizilip jatqan revızııa sheńberinde, al ákimshilik quqyq buzýshylyq boıynsha sot isin júrgizýdi Ádilet mınıstrligi ázirlep jatqan jeke zań aıasynda reformalaý usynylady. Óz kezeginde medıatsııa ınstıtýtyn jáne sotqa deıingi talqylaýlar júıesin kúsheıtý jónindegi ilespe tapsyrmalar aǵymdaǵy zań shyǵarý jumysy aýqymynda pysyqtalatyn bolady», - dedi mınıstr.
Sonymen qatar ol Memleket basshysy Úkimettiń keńeıtilgen otyrysynda zańnamalyq aktilerge tekser júrgizýdi tapsyrǵanyn atap ótti.
«2023 jyl ishinde 260 zań tekserýdi eskere otyryp qaıta qaralatyn bolady. Zańdarǵa revızııa júrgizýdiń kestesi jaqyn arady bekitiledi. Ádilet mınıstrligi, sondaı-aq, memlekettik organdardyń úlgilik fýnktsııalaryn ázirledi. Búgingi tańda memlekettik organdar jańa tásilderdi eskere otyryp jumys júrgizýde. Atap aıtqanda, memlekettik organdar óz erejelerinde zańǵa táýeldi aktilerdi qabyldaý jónindegi fýnktsııalardy bekite alady. Zańnamada bul úshin alǵysharttar jasalǵan», - dedi Qanat Mýsın.