Sot júıesi jáne sottardyń qyzmeti týraly jarlyqtarǵa ózgeris engizildi
Qazaqstan Respýblıkasy Prezıdentiniń «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańynda kózdelgen erejelerdi bekitý týraly» 2001 jylǵy 26 maýsymdaǵy № 643 jáne «Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejeni bekitý týraly» 2010 jylǵy 3 qarashadaǵy № 1093 jarlyqtaryna ózgerister men tolyqtyrýlar engizý týraly
QAÝLY ETEMІN:
1. Qazaqstan Respýblıkasy Prezıdentiniń mynadaı jarlyqtaryna ózgerister men tolyqtyrýlar engizilsin:
1) «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańynda kózdelgen erejelerdi bekitý týraly» Qazaqstan Respýblıkasy Prezıdentiniń 2001 jylǵy 26 maýsymdaǵy № 643 Jarlyǵyna:
1-tarmaq mynadaı mazmundaǵy 5) tarmaqshamen tolyqtyrylsyn:
«5) Qazaqstan Respýblıkasy Joǵarǵy Sotynyń janyndaǵy Sot tóreliginiń sapasy jónindegi komıssııa týraly ereje.»;
joǵaryda atalǵan Jarlyqpen bekitilgen Sýdıalyqqa kandıdattyń taǵylymdamadan ótýi týraly ereje osy Jarlyqqa 1-qosymshaǵa sáıkes jańa redaktsııada jazylsyn;
osy Jarlyqqa 2-qosymshaǵa sáıkes qosymshamen tolyqtyrylsyn;
2) «Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejeni bekitý týraly» Qazaqstan Respýblıkasy Prezıdentiniń 2010 jylǵy 3 qarashadaǵy № 1093 Jarlyǵyna(Qazaqstan Respýblıkasynyń PÚAJ-y, 2010 j., № 60, 589-qujat):
joǵaryda atalǵan Jarlyqpen bekitilgen Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejede:
7-tarmaq mynadaı redaktsııada jazylsyn:
«7. Departamenttiń qurylymy men shtat kestesin Qazaqstan Respýblıkasynyń Prezıdenti bekitken shtat sany lımıtiniń sheginde Departament basshysynyń usynymy boıynsha Qazaqstan Respýblıkasy Joǵarǵy Sotynyń Tóraǵasy bekitedi.»;
15-tarmaqta:
6) jáne 7) tarmaqshalar mynadaı redaktsııada jazylsyn:
«6) Qazaqstan Respýblıkasy Joǵarǵy Soty Tóraǵasynyń, Qazaqstan Respýblıkasy Joǵarǵy Soty organdarynyń jumysyn uıymdastyrýdy qamtamasyz etý;
7) Qazaqstan Respýblıkasy Joǵarǵy Sotynyń Tóraǵasy, Qazaqstan Respýblıkasy Joǵarǵy Sotynyń jalpy jáne keńeıtilgen jalpy otyrystary qabyldaǵan sheshimderdiń oryndalýyn qamtamasyz etý;»;
mynadaı mazmundaǵy 12-2) tarmaqshamen tolyqtyrylsyn:
«12-2) Qazaqstan Respýblıkasy Joǵarǵy Sotynyń janyndaǵy Sot tóreligi akademııasynyń taýarlaryna (jumystaryna, kórsetiletin qyzmetterine) baǵalardy kelisý;»;
20-tarmaq mynadaı redaktsııadaǵy 8-2) tarmaqshamen tolyqtyrylsyn:
«8-2) Qazaqstan Respýblıkasy Joǵarǵy Sotynyń janyndaǵy Sot tóreligi akademııasynyń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne onyń taýarlardy (jumystardy, kórsetiletin qyzmetterdi) ótkizýden túsken aqshany jumsaý qaǵıdalaryn bekitedi;».
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Nur-Sultan, Aqorda, 2019 jylǵy 5 sáýir
№ 16
Jarlyq qosymshasyn myna jerde qaraýǵa bolady.
