Sot jedel járdem júrgizýshisin urǵan Túrkııa azamatyna qatysty sheshim shyǵardy
ALMATY. QazAqparat - Almaly aýdandyq sotynda Túrkııa azamaty Álı Demırge qatysty sot protsesi boldy, dep habarlaıdy QazAqparat tilshisi.
Almatyda jedel járdem júrgizýshisi Nıkolaı Kýchmany soqqyǵa jyqqan Túrkııa azamaty jazadan qutyldy.
«Sot QR QK 293-baby boıynsha jaýapqa tartylǵan Álı Demırdi QR QK 68-babynyń 1-bólimimen jábirlenýshimen tatýlasýyna baılanysty jaýapkershilikten bosatý týraly sheshim qabyldandy. Tártip buzý boıynsha qozǵalǵan óndiristik is toqtatylsyn», - dedi sýdıa Qaırat Imanqulov.
Eske salaıyq, Almatyda joldy bólise almaǵan Túrkııa azamaty jedel járdem júrgizýshisi Nıkolaı Kýchmany soqqyǵa jyqqan bolatyn. Kóp uzamaı polıtseıler 1990 jyly týǵan túrkııalyq azamatty anyqtap, ýaqytsha ustaý oqshaýlaǵyshyna jetkizdi. Keıin Álı Demır kepilmen bosatyldy. Sondaı-aq, jedel járdem júrgizýshisi Túrkııa azamatyn keshirdi.
