Sot J. Dosqalıevti qamaýǵa alý týraly usynysty onyń densaýlyǵyna baılanysty sanktsııalaýdan bas tartty

Bul týraly búgin elordada ótken baspasóz máslıhaty barysynda QR Ekonomıkalyq jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Sot J.Dosqalıevke qatysty QR Qylmystyq is júrgizý kodeksi 142-shi babynyń tártibinde qamaýǵa alý bultartpaý sharasyn tańdaý týraly prokýratýra organdarymen maquldanǵan usynysty kúdiktiniń densaýlyq jaǵdaıyna baılanysty sanktsııalaýdan bas tartty», dedi resmı ókil.

Onyń aıtýyna qaraǵanda, Astana qalasy Saryarqa aýdandyq sotynyń qaýlysymen joǵaryda atalǵan bap tártibinde qamaýǵa alý bultarpaý sharasy kúdiktiniń densaýlyq jaǵdaıyna ári ony sot otyrysyna ákelý múmkindiginiń qamtamasyz etilmeýine baılanysty sanktsııalanbaǵan. Bul qarjy polıtsııasy organdarynyń usynysyn qanaǵattandyrýdan bas tartýdyń jalǵyz negizi bolyp otyr. ıAǵnı qylmystyq isti qozǵaý jáne qamaýǵa alýdyń negizdiligine qatysty kúmánmen baılanysy joq.

«Tergeý barysyn qadaǵalaıtyn prokýratýra organdary Dosqalıevti qamaýǵa alý týraly usynysty tolyq qoldady. Qazirgi kezde onyń medıtsınalyq mekemelerdi salý kezindegi jáne olarǵa medıtsınalyq qural-jabdyqtardy memlekettik satyp alýǵa baılanysty ózge de zańsyz áreketterine quqyqtyq baǵa beretin basqa da faktiler anyqtalýda. Qylmystyq is tergelýde. Ózge aqparat tergeý múddesine baılanysty jarııalanbaıdy», dep túıindedi sózin M.Jumanbaı.