Sot Zerendi aýdanynyń əkimin 2 aı qamaýda ustaýǵa sanktsııa berdi
Aqmola oblystyq sotynyń baspasóz qyzmetiniń málimeti boıynsha, tergeý sýdıasy kúdikti Mereke Mustafınge qatysty aıǵa merzimge qamaýda ustaý týraly sanktsııa qoldandy.
«Mundaı sharany qoldanýǵa er adamnyń jemqorlyqqa qatysty aýyr qylmys jasaǵany, qylmystyq tergeý organdarynyń sharalaryna kedergi keltirý, sondaı-aq, tergeý men sottan boı tasalaý múmkindigi negiz boldy. Sot qylmystyń aýyrlyǵyn eskerip, kepil məselesin qarastyrmady», dep túsindirdi vedomstvonyń baspasóz qyzmeti.
Belgili bolǵandaı, qańtardyń 17-i kúni Mereke Mustafın QR QK 366 babynyń 2 bóligine səıkes qylmys jasady degen kúdikpen qylmystyq protsessýaldyq kodekstiń 128 baby boıynsha ustalyp, Kókshetaý qalasynyń PB ýaqytsha ustaý ızolıatoryna qamaldy.
Keıin onyń ərketine baılanysty QR QK 366 babynyń 2 bóligi jəne 25 babynyń 2 bóligi boıynsha jańa qaýly shyǵaryldy.
Eske sala keteıik, osyǵan deıin habarlaǵanymyzdaı jaqynda Sybaılas jemqorlyqqa qarsy is-qımyl ulttyq bıýrosy Aqmola oblysy Zerendi aýdanynyń ákimi Mereke Mustafındi ustaǵan bolatyn.
Keıin Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Zerendi aýdany ákiminiń ustalýy jónindegi aqparatty rastaǵan edi.