Sot zalynda aıyptalýshylardy órtegen 10 adam ustaldy
BІShKEK. QazAqparat - Qyrǵyzstannyń Naryn oblysynyń ІІB qyzmetkerleri sot zalynda kisi óltirmek boldy degen kúdikpen 10 adamdy ustady.
Bul oqıǵa 20 aqpan kúni bolǵan. Djýmgal aýdandyq sotynda sot protsesinde zardap shegýshi jaqtyń ókilderi tordyń ar jaǵynda otyrǵan úsh sottalýshy mılıtsıonerge benzın quıylǵan bótelke laqtyryp, jaǵyp jibergen. Artynsha basqarýǵa kónbegen top aıyptalýshylardy soqqyǵa jyqqan.
Saldarynan mılıtsıonerlerdiń biri betinen jáne qolynan kúıik jaraqatyn alǵan. Atalǵan top sot zalyndaǵy tártipti qadaǵalaýshy mılıtsııa qyzmetkerleriniń qolynan úshinshi sottalýshyny da tartyp áketken. Ony qala syrtyna alyp shyǵyp, uryp-soqqannan keıin Djýmgal ózeniniń mańyna laqtyryp ketken.
Jeksenbi jáne dúısenbi kúnderi ІІM organdary qastandyq jasap, órt shyǵarǵany jáne uryp-soqqanyúshin Naryn oblysynyń Djýmgal aýdanynda 10 adamdy qolǵa túsirdi. Atalǵan fakti boıynsha «Qastandyq jasaǵany úshin», «Sot tóreligin jasaýǵa kedergi keltirgeni úshin», «Bılik ókiline qatysty kúsh kórsetkeni úshin» jáne «Qasaqana joıý jáne múlikti zaqymdaý» baptary boıynsha qylmystyq is qozǵaldy.
