Sot zalynan: «Aǵaıyndy tórteý» qylmystyq isti adamdardy bopsalaýdan bastaǵan
AQTÓBE. QazAqparat - Aqtóbede munaı urlyǵyna qatysty qylmystyq is sotta qaralyp jatyr. Sottalýshy Erkin Іzbasarov bastaǵan qylmystyq top 2003-2016 jyldary adamdardy bopsalap, munaı urlaýmen aınalysqan, dep habarlaıdy QazAqparat tilshisi.
Aqtóbede Erkin Іzbasar bastaǵan qylmystyq topqa qatysty sot otyrysy bastaldy. Aqtóbe oblystyq qylmystyq ister jónindegi mamandandyrylǵan aýdanaralyq sotynda búgin aıyptaý qorytyndysy oqyldy.
Іs materıaldaryna súıensek, sottalýshy Erkin Іzbasar 2003 jyly qylmystyq jazaǵa tartylyp, 7 jylǵa shartty túrde bas bostandyǵynan shettetildi. Dál sol jyly qylmystyq top quryp, sottalýshy A.Qalıev, A.Batyrov, K.Pangereıuly, M.Turjanov, N.Tontaev, Q.Qartjan sol qatardan tabyldy. Al Aýhat Qalıev qylmystyq bop basshysy Erkin Іzbasardyń kómekshisi bolyp, qarý-jaraq saqtaý, tasymaldaý jumystaryn basqardy, basshynyń barlyq buıryǵyn oryndady. Qylmystyq top músheleri qolǵa túsken kezde árqaısysynan qarý-jaraq pen oq-dári tabylǵan.
«2005 jyldan bastap Erkin Іzbasar belgisiz adamdardan qarý-jaraq alyp, ony saqtaǵan. Sottalýshy jergilikti turǵyn A.Kózaıdarova men R.Enıkeev arasyndaǵy kelispeýshilikke aralasady. Erkin Іzbasar bastaǵan top Enıkeevten 60 myń dollar talap etti. Óz ómiri, otbasy úshin qoryqqan jábirlenýshi suraǵan qarjyny taýyp beredi. Jábirlenýshi K.Nurmanovtyń epızody boıynsha onyń 2 bólmeli páterin, KaMAZ markaly júk kóligi men jeńil kóligin alady. Barlyǵy 19 mıllıon teńge bolǵanymen, qylmystyq top shyǵyndy 8,5 mıllıon teńgege baǵalady»,- dedi prokýror Eldar Abıev.
Bul qylmystyq isti Ulttyq qaýipsizdik komıtetiniń oblystyq departamenti men Іshki ister departamenti birlese tergedi. Belgili bolǵany, 12 sottalýshyǵa qatysty isti ishki ister organdary tergep, 39 mıllıon teńge shyǵyn keltirgenin anyqtady. Barlyǵy 257 tomnan turaqtyn qylmystyq iske qatysty aıyptaý qorytyndysy áli oqylyp jatyr.
Sot aldy otyrys kezinde qylmystyq toptyń «serkesi» Erkin Іzbasar óziniń 3 balasy bar ekenin aıtqan bolatyn. Búgin ol óziniń 5 balasy bar ekenin, biraq olardyń týǵan jyly men kúni týraly naqty aıta almaıtynyn jetkizdi. Tipti, 2003 jyly ne úshin sottalǵanyn túsindirip bere almady. Sottalýshylardyń basym bóligi úılengen, balalary bar. Al sol jyldary Aqtóbe oblystyq ІІD bastyǵynyń orynbasary bolyp, munaı urlyǵymen aınalysqan toptyń zańsyz áreketine kómektesken sottalýshy Rahat Ahanov ózin sýretke, beınekameraǵa túsirýge qarsy shyqty.
Sottalýshy Birjan Amanqulov bolsa 2013 jyly densaýlyqqa qasaqana aýyr zııar keltirgeni úshin qylmystyq jaýapkershilikke tartylyp, abaqtyǵa qamalǵan. Ázirge onyń bul qylmystyq topqa qandaı qatysy bar ekeni aıtylǵan joq.
Buǵan deıin habarlaǵanymyzdaı, topqa Qylmystyq kodekstiń «Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý», «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý» baptary boıynsha aıyp taǵyldy .
Qylmystyq is boıynsha barlyǵy 26 sottalýshy bar. Ola: Adaıbek Sársenov, Nurbolat Qaıyrbaev, Aıbek Tileýǵazıev, Aýhat Qalıev, Muhanbet Shavletov, Erkin Іzbasar, Bolatbek Beketov, Jandos Aqmaǵambetov, Jangeldi Ótegenov, Rýslan Dermuhanov, Amandos Esenǵalıev, Bekjan Qultaev, Nurlan Noǵaev, Saıasat Dúsipov, Súleımen Súgirbaev, Murat Turjanov, Sergeı Savchenko, Birjan Amanqulov, Erbol Tektiǵulov, Qaıyrkeldi Іzturǵanov, Nurlybek Tontaev, Janat Tektiǵulov, Kádirjan Pangereıuly, Murat Qýanyshev, Rahat Ahanov, Qartjan Qaldymurat.
Sottalýshylar Temir men Baıǵanın aýdandarynan munaı urlap, satqan. Jábirlenýshi tarapta «SNPS-Aqtóbemunaıgaz» AQ pen «Saǵaz Petroleým» JShS bar.
