Sot Uldana Myrzýan isi boıynsha kelesi otyrystyń kúnin belgiledi
ASTANA. KAZINFORM – Jedel járdem feldsheri Uldana Myrzýannyń qaza bolýyna qatysty kelesi sot otyrysy 20 tamyz kúni saǵat 10:00-de ótedi. Bul týraly Astana qalasynyń qylmystyq ister jónindegi aýdanaralyq sotynda ótken alǵashqy otyrystyń qorytyndysynda aıtyldy.
Búgin sýdıa Merýert Abaeva protseske qatysýshylardyń birqatar ótinishhattaryn qarady. Onyń ishinde jábirlenýshi taraptyń ashyq sot otyrysyna BAQ ókilderin qatystyrý týraly ótinishi de bar.
Odan keıin prokýror Saıajan Serikova aıyptaý aktisin oqydy. Sýdıa aıyptalýshynyń taǵylǵan aıypqa qatysty ustanymyn anyqtady.
Sondaı-aq, sot dáleldemelerdi zertteý tártibin belgilep, jábirlenýshilerden jaýap alýǵa kiristi. Keıingi sot otyrystarynda kýágerler men sottalýshydan jaýap alý, qylmystyq is materıaldaryn zertteý jáne iske tirkelgen beınejazbalardy qaraý josparlanyp otyr.
23 jas Uldana Myrzýan 2025 jylǵy 18 qarashada qyzmettik mindetin atqarý kezinde kóz jumdy. 8 qarashada elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulap, saldarynan 5 adam zardap shekti. Zardap shekkenderdiń bári № 1 kópsalaly aýrýhanaǵa jetkizildi.
Sot feldsherdiń burynǵy kúıeýi Ádilet Zeıneldiń jábirlenýshi bolýdan bas tartý jaıly ótinishin qanaǵattandyrmady.
