Sot úkimderine qatysty teris pikirler nege kóp kezdesedi
«Ótken jyldyń ishinde elimizdiń sottary shamamen 35 myń adamǵa qatysty 29 myńnan astam úkim shyǵardy. Adamǵa shyǵarylǵan ár úkimniń artynda onyń taǵdyry, onyń jaqyndarynyń taǵdyry tur. Sondyqtan úkim zańdy, al jazanyń taǵaıyndalýy ádil bolýy tıis. Barlyq erejeler men formalarǵa jaýap beretin sapaly shyǵarylǵan ári jasalǵan úkim sotqa degen qurmet qarym-qatynasynyń qalyptasýyna, azamatta onyń is-áreketiniń durystyǵyna nanýmen qatar sotqa degen senimniń paıda bolýyna septigin tıgizedi», - dedi ol.
Onyń aıtýynsha, protsesske qatysýshylar tarapynan úkimniń ózderine túsiniksizdigine qatysty shaǵym jıi túsedi.
«Sýdıa sheshim shyǵardy, biz odan eshteńe túsinbedik» nemese «birneshe bettik úkim mátinin oqyp shyqanymen eshteńe túsine almadyq» deıtinder kóp. Áleýmettik jelide kez kelgen bir úkimge qatysty teris pikirler molynan kezdesedi. Eger ony oqyp shyqsań, oqyrmanǵa burmalanǵan aqparattyń jetkendigi túsinikti bolady. Al burmalanǵan aqparat qalaı paıda bolady? Árıne, naqty túzilmegen, kúrdeli tilde jazylǵan, artyq sózderi kóp úkimnen shyǵady», - dedi Erbol Rahymbekov.
Osy rette Joǵarǵy sot sýdıasy úkimderdiń barlyq túriniń qurylymyn qaıta qaraýdy, sot aktilerin uzyn-sonar jazýdan bas tartyp, úkimdi qysqa ári túsinikti shyǵarýdy usyndy.
«Úkim ret-retimen baıandalýy tıis. Іske tikeleı qatysy bar oqıǵalardy ǵana kórsetý qajet. Birneshe epızodty iste oqıǵa hronologııasyn saqtap, epızodtardy sanmen belgileý arqyly bólý usynylady», - dedi ol.
