Sot tili qazaqsha sóılemeı tur - «Egemen Qazaqstanǵa» sholý
ASTANA. QazAqparat - Oqyrmandar nazaryna «Egemen Qazaqstan» gazetiniń 25 jeltoqsandaǵy sanyna sholýdy usynamyz.
«Egemen Qazaqstan» gazetiniń búgingi sany Memleket basshysy Nursultan Nazarbaevtyń jyl qorytyndysy boıynsha otandyq BAQ ókilderine suhbat berýinen bastalady. Sondaı-aq bas basylymnyń birinshi betinen shet memleket basshylarynan Qazaqstannyń Táýelsizdik merekesine oraı jibergen quttyqtaýlaryn oqı alasyzdar.
Búgingi nómirdegi «Sport» betinde tilshi Álı Bıtóreniń boksshy Batyrjan Júkembaevpen suhbaty jarııalanǵan. Sonymen qatar bul betten Ermuhamed Máýlenniń «Alańda oınamaıtyn legıonerler kimge kerek?» atty problemalyq maqalasyn oqı alasyzdar. «Egemenniń» búgingi sanynda sondaı-aq jýrnalıst Qydyrbek Rysbektiń voleıbolshy Jánibek Saýranbaev týraly «Álemdik voleıboldyń serkesi» atty maqalasy jarııalanǵan.
Rýhanııat betinde Asqar Turapbaıulynyń «Sot tili qazaqsha sóılemeı tur..» degen maqalasy jarııalanǵan. Onda Aqmola oblysy boıynsha sot isiniń qazaq tilinde óte az júrgiziletini týraly jazylyp, «Memlekettik tildiń sot tóreligi salasyndaǵy keńistikteri men kedergileri» taqyrybynda ótken dóńgelek ústel týraly aıtylǵan.
«Egemenniń» búgingi sanynda jarııalanǵan gazet sholýshysy Anar Tóleýhannyń «Qytaı manýfaktýrasyn qashanǵy qoldaımyz?» atty maqalasyn erekshe atap ótýge bolady. Onda qazaq halqynyń áli kúnge toı-tomalaqtarda ysyrapshyldyqqa boı aldyratyny, tipti, Qytaı men Túrkııada sol úshin arnaıy taýarlar óndiriletini týraly másele kóterilgen. Avtor maqalada Mańǵystaý oblysynyń kótergen bastamasyn qoldaıtynyn jetkizgen.
Bas basylymnyń búgingi sanynda jarııalanǵan Ásel Muqanovanyń «Aqyldy, tsıfrly, jaıly ómirge umtylý kerek», Nurǵalı Orazdyń «Qazaqstan-Túrkııa: Shırek ǵasyr shejiresi», QR Eńbek sińirgen qaıratkeri Jumagúl Soltıevanyń Farıza Ońǵarsynova týraly jazylǵan «Erkesi boldyń elimniń» atty maqalalary da kópshiliktiń kóńilinen shyǵary sózsiz.
