Sot Temirtaý turǵynynyń kózinen atyp múgedek etkenderdiń jazasyn jumsartpady
QARAǴANDY. QazAqparat - Qaraǵandy oblystyq soty jas jigittiń kózine oq atyp, qoly men aıaǵyn káýáp isparasymen zaqymdaǵan Temirtaýdyń eki turǵynynyń jazasyn jeńildetýden bas tartty, dep habarlady «QazAqparat» HЪAA tilshisi.
Eki jigit 25 jastaǵy Bekzat Súleımenovke boıjetkendi qyzǵanyp shabýyldaǵan. Olardyń biri Bekzat onyń qurbysyna kóz salyp júr dep boljaǵan. Olar Bekzat dosymen birge salynyp jatqan sport kesheniniń janynda turǵan kezde qastaryna keledi. Rınat Nurymov travmatıkalyq tapanshadan Bekzattyń kózine eki ret oq atady.
«Qulap qaldym, kózimnen qan aǵyp jatty. Sodan keıin birneshe ret basymnan uryp jiberdi. Sosyn dosym ekeýmizdi bir kólikke mingizip, kórshi aýyl Astahovkaǵa alyp keldi. Sol jerde qaraýsyz eski garajǵa ákelip, sabaı bastady. Olardyń biri káýáp isparasyn alyp aıaǵymnyń tizeden tómen jaǵyn tesip, isparanyń ótkir ushymen qolym men moınymdy kesti», - dep eske aldy kózi múldem kórmeı qalǵan Bekzat Súleımenov.
Betinen birneshe soqqy alǵan Bekzattyń dosy qashyp ketip, polıtsııa shaqyryp úlgergen. Temirteý ІІB qyzmetkerleri kúdiktilerdi ustady.
Temirtaý qalalyq sotynyń sýdıasy Asanáli Smaıylovqa sot jábirlenýshiniń kózin kórmetindeı etip, aýyr zaqym keltirgeni jáne buzaqylyǵy úshin 10 jylǵa bas bostandyǵynana aıyrý úkimin shyǵardy. Erlan Berikbol buzaqylyǵy úshin 8 jylǵa sottaldy.
Ekeýi de Qaraǵandy oblystyń sotyna jazany jumsartýdy ótinip, apellıatsııalyq shaǵym berdi.
«Apellıatsııa sottalýshylardyń dálelin zerdelep, úkimge ózgeris engizetin negiz tappady», - dep habarlady sottyń baspasóz qyzmetinen.
