Sot tarıhyn áli de ǵylymı turǵyda zertteý qajet - T.Bárpibaev
Konferentsııany Astana qalalyq sotynyń tóraǵasy Tilektes Bárpibaev ashyp, Qasym han, Esim han, Táýke handar men ataqty bılerdiń ózge eldermen qarym-qatynas ornatýdaǵy dıplomatııalyq qyzmetteri jaıynda tarıhı mazmundaǵy baıandama jasady.
Konferentsııada Qazaq handyǵyn qalyptastyrý men nyǵaıtýdaǵy qazaq eliniń quqyǵy, bıler sotynyń tóreligi, dala zańdarynyń memlekettik bılikti damytýdaǵy mańyzy, memleket basqarýdaǵy handar men sultandardyń róli, bılerdiń zań shyǵarý quqyǵy, bılerdiń sot tóreligin júrgizýdegi ádildigi jáne táýelsizdigi, Qazaq bıler sotynyń bitimgerlik róli jaıyndaǵy ǵylymı maqalalar talqylandy.
«Bıler sotynyń ádildik prıntsıpi - táýelsiz elimizdiń sot júıesiniń álemdik standartqa saı damýyna septigin tıgizgeni anyq. Bıler shyǵarǵan zań-erejeler men úkim-sheshimderdiń qazirgi Konstıtýtsııadan, qylmystyq, azamattyq kodeksterden, ózge de zańdardan kórinis tabýy, qazaq bıleri júrgizgen ádil sot tájirıbesine súıene otyryp, qazirgi sot júıesin jetildirýdiń ózekti problemalarynyń talqylanýy áli de dástúrli qazaq quqyǵyn, bıler ınstıtýtyn, sot tarıhyn ǵylymı turǵydan zertteýdi, zerdeleýdi talap etedi», - dedi ol.
Jıyn barysynda sonymen qatar, Qazaq handyǵynyń 550 jyldyǵyna arnalǵan hronologııalyq beıne sıýjet kórsetildi. Beıne baıanda Alash jurtynyń azattyq jolyndaǵy azap pen qaıǵyǵa toly zobalań kezeńderi tarıhı derektermen beınelenip, qazaq eliniń azattyq jolyndaǵy taǵdyry sýrettelgen.