Sot tarapynan engizilgen árbir aqtaý úkimi agenttik qyzmetkerleri kásibıliginiń tómendigin kórsetedi - Q. Qojamjarov
ASTANA. QazAqparat - Sot tarapynan engizilgen árbir aqtaý úkimi Memlekettik qyzmet isteri jáne sybaılas jemqorlyqqa qarsy is-qımyl agenttigi qyzmetkerleri kásibıliginiń tómendigin kórsetedi. Bul týraly búgin Astana agenttiktiń keńeıtilgen keńesinde osy vedomstvonyń tóraǵasy Qaırat Qojamjarov málim etti.
«Aldaǵy jyldan bastap biz jańa quqyqtyq tártipte jumys isteı bastaıtyndyǵymyzdy atap ótkim keledi. Jańa Qylmystyq-protsessýaldyq kodekske sáıkes, qosymsha tekserý men tergeý ınstıtýttaryna tyıym salynady. Sot tarapynan engizilgen árbir aqtaý úkimi bizdiń kásibı deńgeıimizdiń tómendigin kórsetedi. Azamattar quqyǵyn qorǵaýdyń kepili bolýy turǵysynda biz qabyldanatyn protsessýaldyq sheshimniń minsizdigin qamtamasyz etýge mindettimiz»,-dedi Q. Qojamjarov jemqorlyqqa qarsy qyzmettiń ofıtserlerine qaratyp aıtqan sózinde. Aıta keteıik, keńes otyrysyna vedomstvonyń ortalyq apparatynyń basshylary men qyzmetkerleri, sondaı-aq aýmaqtyq bólimderdiń basshylary qatysýda. Agenttik basshysy bul jıynda vedomsvytonyń negizg i maqsat-mindetteri boıynsha tapsyrmalardy júktedi.
