Sot taldyqorǵandyq qyzǵa pyshaq jaraqatyn salǵan kúdiktini qamaýǵa aldy

Jetisý oblystyq soty súıiktisiniń tamaǵyn pyshaqpen osyp jibergen er adamǵa qatysty jańa qaýly shyǵardy, dep habarlaıdy Kazinform.

Taldyqorǵan qalasynyń mamandandyrylǵan tergeý sotynyń 2023 jylǵy 30 qazandaǵy S.-ǵa qatysty qaýlysynyń kúshi joıylǵanyn jáne jańa qaýly shyǵarylǵanyn málim etti.

«QR QK 24-babynyń 3-bóliginde, 99-baby 2-bóliginiń 9) tarmaǵynda kózdelgen qylmystyq quqyq buzýshylyq boıynsha kúdikti S.-ǵa qatysty kúzetpen ustaý túrindegi bultartpaý sharasyn tańdaý týraly Taldyqorǵan qalasy polıtsııa basqarmasy tergeýshisiniń ótinishi qanaǵattandyryldy. Osylaısha, úıqamaq túrindegi bultartpaý sharasy kúzetpen ustaýǵa aýystyryldy»,- dep habarlady Jetisý oblysy sotynyń baspasóz qyzmeti.

Qaýly zańdy kúshine endi.

Eske salaıyq, 27 qazan kúni qaladaǵy sulýlyq salondarynyń birinde 28 jastaǵy qyzǵa burynǵy jigiti tamaǵyn kesikilep tastaǵan bolatyn.

Keıin dárigerler pyshaq jaraqatymen aýrýhanaǵa túsken qyzdyń jaǵdaıy týraly aıtty.