Sot talapkerdiń Semeı polıgonyndaǵy ıadrolyq synaqtarǵa qatysqandyǵyn anyqtady
ASTANA. QazAqparat - Qostanaı qalalyq sotyna azamat I. júginip, óziniń Semeı polıgonyndaǵy ıadrolyq oqytý jattyǵýlary men synaqqa qatysqandyǵynyń zańdy deregin anyqtaýdy suraǵan.
Óz shaǵymynda ol 1979 jyldyń sáýirinen 1981 jyldyń maýsymy aralyǵynda Semeı oblysynyń Kýrchatov qalasyndaǵy áskerı bólimde áskerı boryshyn atqarǵanyn kórsetken.
Áskerı qyzmet barysynda I. ıadrolyq synaqtarǵa daıyndyq jáne onyń saldaryn joıýǵa atsalysqan. Qyzmet barysynda alǵan radıatsııalyq sáýlelený saldarynan úshinshi toptaǵy múgedek bolyp, osy sebepti Semeıdegi ıadrolyq synaqtan zardap shegýshi dep tanyldy. Atalǵan faktini bekitý azamatqa Uly Otan soǵysyna qatysqandar men múgedekterine teńestirilgen azamat retinde jeńildikter alý úshin qajet.
Іs materıaldaryn zerdelep, kýágerlerlerden aıǵaq alǵan sýdıa shaǵymdanýshy talabyn qanaǵattandyrdy. Sot sheshimimen azamat I-dyń áserı qyzmeti kezeńinde Semeı polıgonyndaǵy ıadrolyq oqytý jattyǵýlary men synaqqa qatysqandyǵynyń zańdy deregi bekitildi.
Sot sheshimi zańdy kúshine engen joq, dep habarlaıdy QR Joǵarǵy sotynyń baspasóz qyzmeti.
