Sot Statıstıka agenttigi tóraǵasynyń burynǵy orynbasary B.Meńdibaevtiń sottalý merzimin 1 jylǵa uzartty - Qarjy polıtsııasy
ASTANA. 17 qarasha. QazAqparat /Marlan Jıembaı/ - Sot Statıstıka agenttigi tóraǵasynyń burynǵy orynbasary B.Meńdibaevtiń sottalý merzimin 1 jylǵa uzartty.
Bul týraly búgin elordada ótken baspasóz máslıhaty barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Buǵan deıin Statıstıka agenttigi basshylaryna qatysty qylmystyq is boıynsha B.Meńdibaev ulttyq sanaqty júrgizýge qajetti qural-jabdyqtardy satyp alýǵa bólingen bıýdjet qarajatyn urlaýǵa kómekteskendigine aıypty dep tanylyp, 5 jyl bas bostandyǵynan aıyrý jazasyna sottalǵan bolatyn.
Resmı ókildiń atap ótýinshe, atalǵan qylmystyq isti tergeý barysynda Statıstıka agenttiginde oryn alǵan bıýdjet qarajatyn urlaýdyń basqa da faktileri anyqtalǵan. Statıstıka agenttigi tóraǵasynyń orynbasary B.Meńdibaev pen onyń kýrstasy jáne áıeliniń týysy bolyp tabylatyn «TIS» JShS-niń dırektory Satarov 2007-2008 jyldary halyq sanaǵynyń Túrkistan qalasyndaǵy ilki jobasyna qajetti sómkeler men blankilerdi satyp alýǵa jáne ulttyq halyq sanaǵynyń sanaqshylaryna sómkelerdi jasaý boıynsha qyzmetterdi satyp alýǵa bólingen 123,5 mln. teńgeniń 68 mln. teńgeden astam bóligin jymqyrǵan.
«Birinshi satydaǵy sot sheshimimen Meńdibaev aıypty dep tanylyp, oǵan 6 jyl bas bostandyǵynan aıyrý jazasy taǵaıyndaldy, al Satarovqa múlkin tárkilep, 5 jyl bas bostandyǵynan aıyrý jazasy belgilendi», - dedi resmı ókil.
