Sot sheshimi: Tramp AP jýrnalısin Aq úıge kirgizbeýge quqyly

VAShINGTON. KAZINFORM — AQSh-tyń apellıatsııalyq soty Donald Tramptyń Associated Press (AP) agenttiginiń jýrnalısterin Aq úı men prezıdenttik ushaqqa ýaqytsha kirgizbeýine ruqsat berdi, dep jazady DW.

Bul sheshim 6 maýsym kúni keshke jarııalandy.

Sot Aq úı ákimshiliginiń shaǵymyn qanaǵattandyryp, tómengi ınstantsııanyń buıryǵyn ýaqytsha toqtatty. Tramp bul sheshimdi Truth Social jelisinde «AP-ke qarsy úlken JEŃІS» dep atady.

Daýdyń týyndaýyna AP agenttiginiń Meksıka shyǵanaǵyn Tramptyń jarlyǵyndaǵydaı «Amerıkalyq shyǵanaq» dep ataýdan bas tartýy sebep bolǵan. Osydan keıin Aq úı agenttik tilshilerin Oval Office, Air Force One jáne Tramptyń jeke rezıdentsııasy — Mar-a-Lagoǵa kirgizbeı qoıǵan. AP sotqa júgindi, biraq ázirge jeńilis tapty.

Sot Aq úıdiń baspasóz bostandyǵyna zııan keltirmeı, prezıdenttiń jumys keńistigin basqarý quqyǵyn saqtaýy mańyzdy ekenin atap ótti. Degenmen, agenttikke Aq úıdiń Shyǵys zalyndaǵy resmı sharalarǵa qatysýǵa ruqsat saqtalady.

Tramp ákimshiliginiń bul sheshimi Eýropa agenttikteri men quqyq qorǵaýshylar tarapynan qatty synǵa ushyrady. Olar muny baspasóz erkindigine jasalǵan qysym dep baǵalaýda.

Buǵan deıin Tramp dybystan jyldam avıatsııany damytý týraly jarlyqqa qol qoıǵanyn jazdyq.