Sot sheshimine narazylyqtan ózin órtegen áıeldiń isi: Sýdıa aqtaldy
ALMATY. QazAqparat - Ədiletsiz úkim shyǵardy dep aıyptalǵan sýdıa Ómirzaq Serimov aqtaldy, dep habarlaıdy QazAqparat tilshisi sot zalynan.
Medeý aýdandyq sotynyń sýdıasy Farrýh Omarov osyndaı úkim shyǵardy.
«QR QK 350-babynyń 2-bólimi, 307-babynyń 4-bólimi boıynsha óziniń ókilettigin asyra paıdalanyp, kórineý ádiletsiz sheshim shyǵardy dep aıyptalǵan Alataý aýdanynyń burynǵy sýdıasy Ómirzaq Serimovtiń kinəsi dəleldengen joq. Sondyqtan, sottalýshy aqtalsyn», - dedi sýdıa.
Sýdıa sonymen qatar, sottalýshyny bultartpaý sharasyn buzýǵa sheshim shyǵardy.
Aıta ketý kerek, qaıǵyly oqıǵa 2012 jyly bolǵan edi. 5 balanyń anasy, 57 jastaǵy áıel Svetlana Turǵambaeva úıin tartyp alýǵa kelgen sot oryndaýshylarynyń, kórshileriniń, otbasynyń aldynda benzın quıyp, ózin ózi órtep jibergen bolatyn.
Denesiniń 85 paıyzyn kúıik shalǵan áıel aýrýhanada úsh kúnnen soń qaıtys boldy.
Qorjymbaevtar otbasy bul úıdi 2010 jyly 6 sáýirde Myńbaeva Baıan degen kelinshekten satyp alǵan. Aldyńǵy qojaıyny ony azamattyq nekedegi kúıeýi qaıtys bolǵanda mura retinde rásimdep alǵan eken. Myńbaevanyń nekesin Alataý aýdanynyń sýdıasy Ómirzaq Serimov 2009 jyly zańdy dep tapqan.
Bir jyldan soń qaıtys bolǵan er adamnyń inisi Masaqov Mıllethan «men jalǵyz muragermin» dep aryzdana bastaıdy. Sodan soń sýdıa Serimov óziniń nekeni zańdy dep tapqan sheshimin joqqa shyǵarady.
Sonyń kesirinen Myńbaeva zańdy murager bolmaǵandyqtan, Qorjymbaevtardyń satyp alý týraly sharty da zańsyz dep tanylady.
Úıdiń burynǵy ıesi men Myńbaevanyń nekesin zańdy dep tapqan, keıin óziniń sheshimin qaıtyp alǵan Alataý aýdanynyń sýdıasy Ómirzaq Serimov qaıǵyly oqıǵadan soń 2 aıdan keıin jumysyna jaramsyz dep qyzmetinen shettetiledi.
Alataý aýdanynyń burynǵy sýdıasy Ómirzaq Serimov QR QK 350-babynyń 2-bólimi, 307-babynyń 4-bólimi boıynsha óziniń ókilettigin asyra paıdalanyp, kórineý ádiletsiz sheshim shyǵarǵany úshin aıyptalǵan bolatyn.
