Sot sheshimimen zańsyz qurylys buzyldy
ASTANA. QazAqparat - «Mańǵystaý aýyly ákiminiń apparaty» MM talabynda kásipker T. Munaıly aýdany, Mańǵystaý aýylynda jalpy kólemi 0,0160 ga bolatyn memlekettiń jer ýchaskesin óz betimen ıelenip otyrǵany kórsetilgen.
Sondaı-aq temirmen qorshalǵan, plastıkalyq nysan salynǵan jaýapkerdiń atalǵan qurylysy zańsyz ekenin, sebebi oǵan jer ýchaskesi menshigine nemese paıdalanýǵa berilmegenin, qurylysty bastaýǵa eshqandaı organnan kelisim almaǵanyn, sondyqtan jaýapkerdi óz betimen salynǵan qurylysty óziniń esebinen buzýdy mindetteýdi suraǵan.
QR Azamattyq kodeksiniń 244-babynyń 1-tarmaǵyna sáıkes memleketke tıesili jer ýchaskeleri bolyp qalyptaspaǵan jerde, qurylysty júzege asyrǵan tulǵaǵa tıesili emes jer ýchaskesinde salynǵan, sondaı-aq bul úshin Qazaqstan Respýblıkasynyń jer zańnamasyna, Qazaqstan Respýblıkasyndaǵy sáýlet, qala qurylysy jáne qurylys qyzmeti týraly zańnamaǵa jáne Qazaqstan Respýblıkasynyń ózge de zańnamasyna sáıkes qajetti ruqsat alynbaı salynǵan turǵyn úı, basqa da qurylys, ǵımarat nemese ózge de jyljymaıtyn múlik óz betinshe salynǵan qurylys bolyp tabylady. Baptyń 2-tarmaǵyna saı óz betimen salynǵan qurylys, ony júzege asyrǵan adamnyń esebinen buzylýǵa tıis.
Sot sheshimimen talap qanaǵattandyrylyp, dara kásipker T-ǵa kólemi 0,0160 ga bolatyn Mańǵystaý aýylyndaǵy jer ýchaskesin bosatýdy jáne zańsyz qurylysty óz esebinen buzý mindetteldi, dep habarlaıdy Mańǵystaý oblysynyń mamandandyrylǵan aýdanaralyq ekonomıkalyq sotynyń baspasóz qyzmeti.
Sheshim zańdy kúshine endi.
