Sot sheshimi: «Astana banki» túbegeıli taratyldy
«Almaty qalasynyń mamandandyrylǵan aýdanaralyq ekonomıkalyq sotynyń úkimi ózgerissiz qalsyn. Apellıatsııalyq shaǵymdy qanaǵattandyrylmasyn. Apellıatsııalyq ınstantsııanyń qaýlysy kassatsııalyq tártipte qaralýy múmkin», - dedi Almaty qalalyq sotynyń baspasóz qyzmetinen.
Eske salsaq, QR Ulttyq banki 19 qyrkúıekte «Astana bankin» banktik jáne ózge de operatsııalardy júrgizý lıtsenzııasynan aıyrǵan edi
«QR Ulttyq Banki basqarmasynyń 2018 jylǵy 18 qyrkúıektegi № 214 qaýlysyna sáıkes «Astana banki» AQ-ty «Qazaqstan Respýblıkasyndaǵy bankter jáne bank qyzmeti týraly» Zańnyń 48-baby 1-tarmaǵynyń v), g) jáne m-1) tarmaqshalarynda kózdelgen negizder boıynsha tólem jáne aýdarý operatsııalary boıynsha sharttyq mindettemelerin júıeli túrde, prýdentsııalyq normatıvterdi jáne oryndalýy mindetti basqa da normalar men lımıtterdi júıeli túrde buzǵany, sondaı-aq banktiń iri qatysýshysynyń ýákiletti organnyń ústeme kapıtaldandyrý jónindegi talaptaryn oryndamaǵany úshin banktik jáne ózge de operatsııalardy júrgizýge Qazaqstan Respýblıkasynyń Ulttyq banki Bankke 2015 jylǵy 20 sáýirde bergen № 1.1.32 lıtsenzııasynan 2018 jylǵy 19 qyrkúıekten bastap aıyrý týraly sheshim qabyldandy», - delingen Ulttyq banktiń habarlamasynda.
Osy qujatqa sáıkes, Almaty mamandandyrylǵan aýdanaralyq ekonomıkalyq soty «Astana banki» AQ-ny taratý týraly sheshim shyǵardy.
Sonymen qatar, Almaty aýdanaralyq mamandandyrylǵan ekonomıkalyq sotynyń sheshimine 6 zańdy tulǵadan, úsh jeke tulǵadan apellıatsııalyq shaǵym túsken bolatyn. 27 jeltoqsanda Almaty qalalyq soty Qazaqstan depozıtterge kepildik berý qoryn sot sheshiminiń zańdy kúshine enbegeninen qulaǵdar etken bolatyn.
