Sot saraptamasynyń 56 dárigeri jumys ornynda týberkýlez juqtyrdy
ASTANA. QazAqparat - Parlament Májilisiniń depýtaty Nurlan Ábdirov jumys ornynda aýrý juqtyrǵan dárigerler jaıynda aıtyp berdi, habarlaıdy QazAqparat.
«Sońǵy bes jylda saraptamalyq mekemelerdegi jumys ornynda 56 dáriger, medbıke men sanıtar týberkýlezben aýyryp qaldy. Sonymen qatar vırýstyq gepatıttiń túrli formalaryna 26 qyzmetker shaldyqty. Aýrý juqtyrýdyń osyndaı jaǵdaılary tek Mańǵystaý, Qaraǵandy jáne Aqmola oblystarynda ǵana tirkelmedi. Negizi qaýipti arýdy juqtyrýdan eshkim de saqtandyrylmaǵan. Sonymen birge, sot medıtsınasy men sot saraptamasy ortalyqtaryn biriktirý kezinde máıitpen nemese qaýipti dertti juqtyrǵan adamdarmen jumys istegeni úshin sot medıtsına qyzmetkerine ústeme tóleý joıylǵan», - dedi depýtat Májilistegi Úkimet saǵatynda.
Onyń sózine qaraǵanda, bul saladaǵy jalaqynyń tómen bolýy sarapshy jumysyna keletinderdiń sanyn azaıtady.
«Búginde jıyrma jyl eńbek ótili bar joǵary bilikti sot sarapshylarynyń aılyǵy 120 - 150 myń teńge kóleminde. Olarǵa júktelgen joǵary jaýapkershilikpen qatar, túrli aýrýlardy juqtyryp alý táýekeli de bar», - dedi N. Ábdirov.
Budan buryn habarlanǵandaı, sot saraptamasy kadrlaryna eńbekaqy tóleýdiń jańa modeli týraly málim boldy.
