Sot saraptamasy protsesteri JI arqyly avtomattandyrylady – Ádilet mınıstrligi
ASTANA. KAZINFORM – Qazaqstanda sot saraptamasyn damytý jumystary 2026-2027 jyldarǵa arnalǵan Jol kartasy aıasynda jalǵasady.
Onyń aıtýynsha, Jol kartasy zańnamany jetildirý, ádistemelerdi jańartý, tsıfrlandyrý, mamandardyń biliktiligin arttyrý jáne materıaldyq-tehnıkalyq bazany nyǵaıtý baǵyttaryn qamtıdy.
– Jol kartasy aıasynda memlekettik tizilimdegi shamamen 200 ádistemege qaıta tekserý júrgizý josparlanyp otyr. Bul olardy qazirgi ǵylymı talaptarǵa sáıkestendirýge múmkindik beredi, – dedi Ortalyq kommýnıkatsııalar qyzmeti alańynda ótken baspasóz konferentsııasynda Ádilet mınıstrligi Sot saraptamalary ortalyǵynyń dırektory Baqytjan Baıtılesov.
Sondaı-aq spıker «E-Saraptama» aqparattyq júıesi jańartylyp jatqanyn atap ótti. Onyń sózinshe, saraptama protsesteriniń birqatary jasandy ıntellekt elementterin qoldaný arqyly avtomattandyrylyp jatyr.
– Aqparattyq júıe jańa mıkroservıstik arhıtektýraǵa kóshiriledi. Bul onyń turaqtylyǵy men tıimdiligin arttyrýǵa múmkindik beredi, – dedi ortalyq dırektory.
Aıta keteıik Sot saraptamasy júıesinde endi kompıýterlik tomografııa qoldanylady.
