Sot saraptamasy: Qazaqstanda máıitti kompıýterlik tomografııa arqyly zertteý engiziledi
ASTANA. KAZINFORM – Jyl sońyna deıin Qazaqstanda sot saraptamasy salasynda vırtýaldy aýtopsııa jobasy iske qosylady. Bul týraly QR Ádilet mınıstrligi Sot saraptamalary ortalyǵynyń dırektory Baqytjan Baıtilesov málim etti.
- Vırtýaldy aýtopsııa jobasy óz máresine jetip jatyr. Jyldyń sońyna deıin engizemiz. Naqtyraq aıtsaq, máıitti hırýrgııalyq tásilmen ashpaı, zamanaýı tehnologııa arqyly zertteý eskerilgen. Eger adam qylmystyqtyq emes jaǵdaıda dúnıeden ótse, vırtýaldy aýtopsııa - kompıýterlik tomografııadan ótkizemiz, - dedi B. Baıtilesov Kazinform tilshisine bergen jaýabynda.
Onyń aıtýynsha, qazir bul jobany tolyq iske qosý úshin qural-jabdyqtar jetkizilip jatyr.
- Osy baǵytta tıisti ádistemelerdi qabyldadyq. Mamandar da oqýdan ótti. Qural-jabdyq iske qosylǵannan keıin, jumysty bastaımyz, - dedi ortalyq basshysy.
Osyǵan deıin Qazaqstan Túrkııamen jáne Qytaımen yntymaqtastyqty nyǵaıtatyny týraly jazdyq.
