Sot-saraptamalyq ortalyǵy 385 dinı mazmundaǵy materıalǵa saraptama júrgizdi
ASTANA. QazAqparat - Sot-saraptamalyq ortalyǵy 2014 jyly jáne 2015 jyldyń І toqsanynda 385 dinı mazmundaǵy materıalǵa saraptama júrgizdi. Bul týraly búgin QR Ádilet mınıstrligine qarasty atalǵan ortalyqtyń dırektory Isıdor Borchashvılı málim etti.
«Sońǵy jyldary biz júrgizgen saraptamalar ekstremızmmen, dinı lańkestikpen baılanysty qylmystyq zań buzýshylyqtardyń artyp kele jatqanyn kórsetti. Máselen, 2014 jyly jáne 2015 jyldyń І toqsanynda Ádilet mınıstrliginiń Sot saraptamalyq ortalyǵy 385 dinı mazmundaǵy materıaldarǵa saraptama júrgizdi», - dedi ol.
Onyń atap ótýinshe, respýblıka boıynsha dinı mazmundaǵy sot saraptamasy tek 5 oblysta ǵana júrgiziledi. Biraq, qazirgi ýaqytta Batys Qazaqstan oblysyndaǵy sarapshy óz erkimen jumystan shyǵyp ketken. Sondyqtan da bul óńirde sot-dintanýshylyq saraptama júrgizý toqtap tur.
«Joǵaryda atalǵan merzimde Ońtústik Qazaqstan oblysynda - 133, Astana qalasynda - 115, Almatyda - 82, shyǵys Qazaqstan oblysynda - 29 jáne Batys Qazaqstan oblysynda - 26 dinı mazmundaǵy materıalǵa saraptama júrgizildi», - dedi I.Borchashvılı.
