Sot salasynda jumysyn bastaǵan qyzmetkerlerdiń barlyǵy qazaq tilin tolyq meńgerýi shart - Joǵarǵy sot tóraǵasy
kúıektiń 16-sy. QazAqparat /Rýslan Ǵabbasov/ - Búgin Astanada Joǵarǵy sot tóraǵasy Musabek Álimbekovtiń qatysýymen sot júıesindegi qyzmetkerler men sýdıalardyń memlekettik tildi bilýine arnalǵan respýblıkalyq konkýrs ótip jatyr,
dep habarlaıdy QazAqparat.
Joǵarǵy sot tóraǵasynyń aıtýynsha, arnaıy sheshim boıynsha respýblıkalyq kólemde sot salasy men sot ákimshiliginde arnaıy baıqaý ótkizilýde. Konkýrs úsh kezeńge arnalyp, uıymdastyryldy. Birinshisi, aýdandyq sottyń kóleminde, al ekinshi kezeńi oblystyq deńgeıde ótti.
Sondaı-aq búgingi ótkizilip otyrǵan jarystyń qorytyndysy respýblıka kóleminde belgilenip otyr. «Onda jeńimpazdardyń memlekettik tildi meńgerýindegi deńgeıi anyqtalatynyna toqtalǵan M. Álimbekov «Búgingi qazaq tili memlekettik til bolyp belgilenip otyrǵan jaǵdaıda biz barshamyz bir kisideı atsalysyp, til máselesine asa zor kóńil bólýimiz kerek. Óıtkeni bizdiń ulttyq ereksheligimizdiń aıqyn belgisi - ol ózimizdiń ana tilimiz. Sot salasynda jumysyn bastaǵan qyzmetkerlerdiń barlyǵy óz memlekettik tilin tolyq meńgerýi shart», dedi.
Saıys talaptary boıynsha úmitkerlerdi synaý barysynda olardyń sóıleý máneri eskeriletin bolady. Baıqaýda qatysýshylar qazaqtyń bılik etý óneri men dástúri týraly 5 maqal-mátel aıtýdan nemese bılerdiń aıtqan sheshimderin mánerlep qysqasha aıtyp berýden synǵa túsedi. Sondaı-aq ekinshi týr qazaq tili grammatıkasyn bilý saıysyna arnalady. Úshinshi týr qujattardy jazyp aýdarý jáne ilespe aýdarý saıysyna, al tórtinshisi sot tóreligin júzege asyrý kezindegi qoıylatyn talaptar synalatyn bolady.
