Sot salasynda qazaq tilinde is júrgizý deńgeıi 54 paıyzdy qurap otyr
ASTANA Qyrkúıektiń 22-si. QazAqparat /Arman Asqarov/ - Búginde otandyq sot salasynda memlekettik tilde is júrgizý deńgeıi 54 paıyzdy qurap otyr. Bul týraly búgin Astanada ótken sot isterin memlekettik tilde júrgizýdiń ózekti máselelerine arnalǵan «dóńgelek ústel» otyrysynda QR Joǵarǵy sotynyń tóraǵasy Musabek Álimbekov málim etti.
Onyń málimeti boıynsha, búginde Qyzylorda oblysynda qazaq tilinde is júrgizý kórsetkishi 85 paıyzǵa kóterildi. Al Aqtóbede - 70 paıyz, Ońtústik Qazaqstanda - 66 paıyz, Qaraǵandyda - 27 paıyz jáne Almaty obylysyndaǵy is júrgizý deńgeıi 32 paıyzdy qurap otyr. Jalpy, respýblıka boıynsha sot salasyndaǵy is qaǵazdaryn memlekettik tilde júrgizý deńgeıi 54 paıyzǵa teń.
«Bunyń ózindik sebepteri bar. Eger, azamattar óz ótinishterin orys tilinde berse, sot olardyń isterin sol tilde júrgizýi tıis. Sondaı-aq, keıbir óńirlerdegi memlekettik tilde is júrgizý deńgeıiniń tómen bolýy aımaqtaǵy ulttyq quramǵa tikeleı baılanysty», dedi M. Álimbekov.
