Sot Saqtash Hasenovti tutqyndaý merzimin uzartty
ASTANA. QazAqparat - Sot QR Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń burynǵy tóraǵasy Saqtash Hasenovti tutqyndaý merzimin sozdy.
Bul aqparatty Astana qalalyq sotynyń baspasóz qyzmeti rastap otyr, dep habarlaıdy QazAqparat.
«QR AShM komıtetiniń burynǵy tóraǵasy Saqtash Hasenovti tutqyndaý merzimi 2017 jyldyń 4 naýryzyna deıin uzartyldy», - dep túsindirdi baspasóz qyzmetinen.
Esterińizge sala keteıik, Sybaılas jemqorlyqqa qarsy is-qımyl ulttyq bıýrosy birneshe ret para alǵan QR AShM Veterınarııalyq baqylaý jáne qadaǵalaý komıtetiniń tóraǵasy Saqtash Hasenovti ustaǵan. Komıtet tóraǵasy buryn mınıstrlikte jumys istegen óziniń senimdi adamy E. Reshetkomen aldyn ala sóz baılasyp, Qazaqstan aýmaǵyna et ónimderin ákelýge ruqsat berý boıynsha qylmystyq shema uıymdastyrǵany anyqtaldy. S. Hasenov belgilengen baǵa boıynsha júıeli túrde para alyp otyrǵan.
