Sot S. Berlýskonıdiń burynǵy jubaıyna aıyna 3 mln eýro kóleminde alıment tóleýin toqtatý týraly ótinishin qabyldamaı tastady

Italıandyq BAQ-tyń habarlaýynsha, apellıatsııalyq sot S.Berlýskonıdiń ajyrasý isi aıaqtalǵannan keıin qabyldanǵan birinshi ınstantsııa sotynyń sheshimin oryndaýy jáne ekinshi áıeline aıyna 3mıllıon eýro tólep turýy tıis degen qaýly shyǵardy. Sýdıa tek 2010 jylǵy mamyr aıynan qyrkúıek aıyna deıingi kezeńde V. Larıo Berlýskonıdiń menshigindegi Makerıodaǵy vıllada turǵan kezi úshin Italııa Úkimetiniń burynǵy basshysyn alıment tóleýden bosatty.

Mılan soty S.Berlýskonıdi V.Larıoǵa aıyna 3 mıllıon eýro tóleýge 2012 jylǵy jeltoqsanda mindettegenin eske salamyz. Osy jyldyń naýryz aıynda Italııanyń eks-premeri sottyń sheshimine qarsylyq bildirdi.

V. Larıomen S. Berlýskonı 1980 jyly tanysqan, bul Sılvıonyń ekinshi nekesi bolatyn.