Sot Rahat Turlyhanovtyń isi boıynsha materıaldardy prokýrorǵa qaıtardy
ALMATY. KAZINFORM – Almatynyń mamandandyrylǵan aýdanaralyq ákimshilik quqyq buzýshylyqtar jónindegi soty Rahat Turlyhanovqa qatysty isti qarady.
Іs Ákimshilik quqyq buzýshylyq týraly kodekstiń 73-baby 1-bóligi boıynsha (Otbasy-turmystyq qatynastar salasyndaǵy quqyqqa qarsy áreketter) qaraldy.
Hattamaǵa sáıkes, T. úıinde jubaıymen janjal shyǵaryp, ony qorlap, qorqytyp, aıqaılap, úıdegi tynyshtyqty buzǵan.
– Sot qaýlysymen is materıaldary Qazaqstan Respýblıkasynyń Ákimshilik quqyq buzýshylyq týraly kodeksiniń 742-babyna sáıkes, jábirlenýshiniń quqyq qorǵaý organdaryna júgingen kezde dene jaraqatyn keltirý týraly bastapqy aryzyn eskere otyryp, qylmystyq is retinde jazalanatyn áreket belgileriniń bar-joǵyn tekserý úshin prokýrorǵa jáne sotqa deıingi tergep-tekserý organyna joldandy, - delingen Almaty soty taratqan habarlamada.
Sot qaýlysy zańdy kúshine engen joq.
Eske salaıyq, buǵan deıin Rahat Turlyhanov áıeline taǵy qol kótergenin jazǵanbyz.
Almaty Polıtsııa departamentiniń málimetinshe, Medeý aýdanynda bolǵan otbasylyq janjalǵa baılanysty túsken shaqyrtý boıynsha polıtsııa qyzmetkerleri oqıǵa ornyna dereý jetken. Keıin janjalǵa qatysqan taraptar mán-jaıdy anyqtaý úshin aýdandyq polıtsııa basqarmasyna jetkizilgen.
Áıel áýelde ózine kúsh qoldanylǵanyn aıtqan. Alaıda keıinirek muny joqqa shyǵaryp, otbasylyq janjal boıynsha aryz jazǵan.