Sot protsesi bastaldy: R.Diddy-diń isi boıynsha qazylar iriktelip jatyr

ASTANA. KAZINFORM – Reper Shon Kombsqa (laqap aty P. Diddy) qatysty sot protsesi dúısenbi, 5 mamyr kúni Nıý-Iorkte qazylar alqasyn irikteýden bastaldy, dep habarlaıdy BBC. 

Oǵan reket, jynystyq saýda jáne jezókshelikke tartý maqsatynda adamdardy tasymaldaý aıyptary taǵylyp otyr. Eger sot ony kináli dep tapsa, reper ómir boıy bas bostandyǵynan aıyrylýy múmkin.

P. Diddy-ge sondaı-aq ondaǵan azamattyq talap aryz da joldanǵan. Talapkerler onyń bedelin paıdalanyp, adamdarǵa esirtki berip, uryp-soǵyp, zorlap, qorqytyp, únsiz qalýǵa májbúrlegenin aıtady.

Kombs qylmystyq aıyptar boıynsha óz kinásin moıyndaǵan joq. Ol azamattyq isterdi «jyldam aqsha tabýdyń amaly» dep atady.

Sot protsesi dúısenbide bastaldy. Alǵashqy kúnder qazylar alqasyn irikteýge arnalady. Negizgi is 12 negizgi jáne 6 qosalqy qazy iriktelgennen keıin bastalady.

Reperge qatysty máseleler 2023 jyldyń sońynda burynǵy súıiktisi Kassandra Ventýra oǵan zorlyq kórsetti dep sotqa shaǵymdanǵannan keıin bastalǵan.

Aıta keteıik, buǵan deıin P.Diddy-di sotqa bergenderdiń sany kóbeıgenin jazdyq.