Sot protsesterine qatysýshy jýrnalısterge eshqandaı kedergiler bolmaýy kerek - A.Jumaǵulov (FOTO)

ASTANA. QazAqparat - Sot protsesterine qatysýshy jýrnalısterge eshqandaı kedergiler bolmaýy kerek. Bul týraly Astana qalalyq mamandandyrylǵan ekonomıkalyq sotynyń tóraǵasy Aqan Jumaǵulov málim etti.

"Sot tóreligi úshin sheshim qabyldaý júıesi ashyq sot beınesin qalyptastyrý kerek. Azamattardyń quqyqtaryn, bostandyǵyn jáne múddesin qamtamasyz etetin sottar úshin baspasózben qarym-qatynas ornatý osy maqsatta asa qajet", - dedi ol.

Onyń aıtýynsha, Joǵary sotta kóp jyldar boıy baspasózben ózara yqpaldastyq baılanystary jasalyp keledi.

"Qoǵamnyń sottarǵa senimin arttyrý úshin BAQ-tyń sot protsesterine qatystyrylýyn qamtamasyz etý qajet. Sot protsesterine qatysýshy jýrnalısterge eshqandaı kedergiler bolmaýy tıis", - dep atap ótti ol.

Aıta keteıik, Elbasy "100 qadam" Ult jospary reformalarynda sot júıesiniń ashyqtyǵyn qamtamasyz etý boıynsha tapsyrmalar bergen bolatyn.