Sot protsesterdiń 95 paıyzy qashyqtan ótip jatyr – Jaqyp Asanov
«Sýdıalar sezi – dástúrli basqosý. Qazylardyń quryltaı jıyny deýge bolady. Onyń shırek ǵasyrlyq tarıhy bar. Asyǵa kútetin mártebeli jıyn. Sot júıesiniń búginin baǵalap, keleshegin aıqyndaý úshin bul sharanyń mańyzy óte zor. Bıylǵy basqosýdyń 2 ereksheligi bar.
Birinshisi, búkil álem pandemııany bastan keshirýde. Sottar da jańa jumys tásiline kóshti. Basty mindet: halyq densaýlyǵyn saqtaı otyryp, olardyń quqyqtaryn qorǵaý. Protsesterimizdiń 95 paıyzy qashyqtyqtan ótýde. Kúnine 4,5 myńǵa deıin onlaın-protsess. Búgingi sharamyz da osyndaı rejımde ótýde», - dedi Jaqyp Asanov.
Joǵarǵy sot tóraǵasy ekinshi erekshelik retinde jıynǵa shetelden de sarapshylar qatysyp otyrǵanyn aıtty.
«Jıynymyzǵa Reseı, Ózbekstan, Qyrǵyzstan, Tájikstan sottarynyń basshylary, Germanııa, Estonııa, AHQO, Evrazııalyq ekonomıkalyq odaqtyń sýdıalary, shet memleket elshileri, halyqaralyq uıymdardyń ókilderi qatysyp otyr. Demek, sezimiz halyqaralyq mártebege ıe degen sóz. Sońǵy kezde júıemizde biraz ózgeris boldy. Olar Elbasynyń Ult josparynan, Memleket basshysynyń Joldaýlarynan týyndaıdy. Sonyń arqasynda sot júıesi jańa kezeńge qadam basty deýge bolady.
«50 jylda el jańa» demekshi, qoǵam tez ózgerýde. Sot ta zamanǵa qaraı ózgerý kerek ekenin túsinemiz», - dedi ol.
Aıta keteıik, sezd jumysyna Memleket basshysy Qasym-Jomart Toqaev qatysýda.