Sot Perızat Qaırat pen anasyna shyǵarylǵan úkimdi ózgerissiz qaldyrdy

ASTANA. KAZINFORM — Astana qalasy sotynyń qylmystyq ister jónindegi sot alqasy Perızat Qaırat pen onyń anasy Ǵaını Alashbaevanyń isi boıynsha advokattyń apellıatsııalyq shaǵymyn qarap, sheshim shyǵardy.

Barlyq tarap pen sot protsesine qatysýshylar otyrysqa onlaın-rejımde qatysty.

— Sot alqasy apellıatsııalyq shaǵymdardyń dál-elderin, protseske qatysýshylardyń ustanymyn, prokýrordyń qorytyndysyn tyńdap, qylmystyq istiń materıaldaryn zerdelep, Qylmystyq-protsestik kodekstiń 431-babynyń 1-tarmaǵynyń 1-bóligin, 443-444-baptaryn basshylyqqa ala otyryp, 2025 jylǵy 25 shildedegi Qaırat Perızat pen Alashbaeva Ǵaınıge qatysty sot úkimin ózgerissiz qaldyrý týraly qaýly shyǵardy. Sottalǵandardyń advokatynyń apellıatsııalyq shaǵymdary qanaǵattandyrýsyz qaldyrylsyn, — delingen sot sheshiminde.

Esik salsaq, shilde aıynda Elorda soty «Biz birgemiz» qaıyrymdylyq qorynyń burynǵy jetekshisi Perızat Qaırat pen onyń anasy Ǵaını Alashbaevaǵa úkim shyǵarǵan edi. Sot úkiminde Perızat Qaıratty 10 jylǵa, anasyn 7 jylǵa bas bostandyǵynan aıyrý jazasy taǵaıyndalǵan. 

Al tamyz aıynda advokat Perızat Qaırat pen onyń anasyn aqtaýdy talap etip, sotqa shaǵym túsirdi.