Sot pen kolledj ózara yntymaqtastyq memorandýmyna qol qoıdy - Qyzylorda
Bul týraly QazAqparat tilshisi oblystyq sotqa silteme jasap habarlady.
Rásimge oblystyq sottyń keńse meńgerýshisi, bólim basshylary jáne qala ortalyǵynda ornalasqan sottardyń keńse meńgerýshileri qatysty.
Memorandýmnyń maqsaty - Qazaqstan Respýblıkasy Prezıdentiniń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýy men Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda quqyqtyq jáne áleýmettik memleket retinde qoǵamnyń bıik, zańdy mádenıetin qurýǵa baǵyttalǵan ulttyq strategııalyq baǵdarlamalardy júzege asyrý. Sondaı-aq, taraptardyń qyzmet baǵyttary boıynsha ózekti máselelerdi sheshý, sottardyń bilimin úzdiksiz arttyrýdy tereńdetý, kolledj oqýshylarynyń óndiristik is-tájirıbelerdi oblys sottarynda oqý baǵdarlamasyna saı ótýine yqpal jasaý, jas mamandardy jumyspen qamtý, qoǵamnyń áleýmettik jańǵyrtylýy úshin is-sharalardy iske asyrý.
Shara barysynda sóz alǵan Sottar ákimshisiniń basshysy A.Jumamuratov, oqytýshylardyń jáne oqýshylardyń qylmystyq, azamattyq jáne ákimshilik ister boıynsha ashyq sot otyrystaryna kedergisiz qatysý múmkindigin qamtamasyz etý syndy máselelerdiń memorandým aıasynda sheshimin taýyp otyratynyn aıtty.
Óz kezeginde kolledj dırektory M. Tobashov memorandým sheńberinde tyǵyz baılanysta jumys jasaýǵa daıyn ekendikterin jetkizdi.
Toqtalyp óter bolsaq, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam atty eńbeginiń 16-22-qadamdarynda sot júıesin jetildirý máseleleri týraly jan-jaqty aıta kelip, naqty mindetter júktegen bolatyn. Al osy eńbektiń 77-qadamynda: Ekonomıkanyń alty negizgi salasy úshin on aldyńǵy qatarly kolledj ben on joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryna taratý kerektigin atap kórsetti.
