Sot Pavlodar oblysynyń eks-ákimi E.Aryndy qamaýǵa alý týraly sanktsııa shyǵardy
ASTANA. QazAqparat - Cot Pavlodar oblysynyń burynǵy ákimi Erlan Aryndy 2 aıǵa qamaýǵa alý týraly sanktsııa shyǵardy. Bul týraly «QazAqparat» agenttigine Pavlodar oblystyq sotynyń baspasóz hatshysy Raýan Beıilǵojın málim etti.
«Pavlodar oblystyq sotyna keshe keshke materıal kelip túsip, sot aımaqtyń burynǵy ákimin qamaýǵa alý týraly sanktsııa shyǵardy. Qamaý merzimi eki aıǵa sozylady», - dedi ol.
Eske sala keteıik, 4 naýryzda qarjy polıtsııasynyń qyzmetkerleri Pavlodar oblysynyń burynǵy basshysy Erlan Arynǵa qatysty qylmystyq is qozǵaǵan bolatyn. Oǵan demeýshilerden aımaqty abattandyrýǵa berilgen qarjyny jymqyrdy jáne iri kólemde para aldy degen aıyp taǵyldy.
