Sot oryndaýshysyn urǵan Almaty turǵyny sotqa júgindi
ALMATY. QazAqparat – Almatyda sot oryndaýshysyn soqqyǵa jyqqan Maqsot Ysqaqov sotqa talap-aryz túsirdi, dep habarlaıdy QazAqparat tilshisi.
Maqsot Ysqaqov jeke sot oryndaýshysynyń áreketin zańsyz dep taný úshin ákimshilik sotqa aryz berdi.
Qalalyq sottyń baspasóz qyzmeti joǵaryda atalǵan is 5 qarasha kúni qaralatynyn málim etti.
Eske salaıyq, 4 qazan kúni Almatyda zańsyz nysandy súrý kezinde sot oryndaýshysy soqqyǵa jyǵyldy.
Respýblıkalyq jeke sot oryndaýshylar palatasy sot oryndaýshy Bostandyq aýdandyq sotynyń sheshimine sáıkes Vınogradnaıa 3/1 mekenjaıyna zańsyz nysandy súrý máselesimen barǵanyn aıtty.
Keıin boksshy Janqosh Turarov sot oryndaýshysyna qysym kórsetkeni týraly aqparat tarady.
