Sot oryndaýshysyn tańdaý múmkindigi bar – Ádilet mınıstri
NUR-SULTAN. QazAqparat – Jeke sot oryndaýshylar reıtıngi» engizildi. Bul týraly Ádilet mınıstri Marat Beketaev málim etti, dep habarlaıdy QazAqparat tilshisi.
«Jeke sot oryndaýshylar reıtıngi» engizildi. Endi óndirip alýshylardyń onlaın rejımde reıtıngpen tanysýǵa jáne sot oryndaýshysyn tańdaýǵa múmkindigi bar», - dedi mınıstr onlaın rejımde halyq aldynda esep berý barysynda.
Onyń sózinshe, reıtıng qujattardy oryndaýdyń statıstıkalyq derekteri, oryndaýshylyq tártip, jeke sot oryndaýshysynyń jumys ótili, sondaı-aq óndirip alýshylardyń baǵalaýy negizinde avtomatty túrde jasalady.
Budan buryn habarlanǵandaı, Jeke sot oryndaýshylarynyń respýblıkalyq palatasy negizinde «Áleýmettik qor» quryldy.
