Sot oryndaýshylary onlaın túrde avtokólikke tyıym sala alatyn boldy

ASTANA. QazAqparat - 2 mamyrdan bastap sot oryndaýshylary avtokólik quraldaryna birneshe mınýt ishinde elektrondyq tásilmen tyıym salyp nemese ony alyp tastaı alatyn boldy. Bul týraly QR Ádilet mınıstrliginiń resmı ókili Talǵat Ýálı habarlady.

Bul qyzmet Ádilet mınıstrliginiń Digital Justice jobalar portfeli sheńberinde Memleket basshysynyń tapsyrmasyn oryndaý maqsatynda iske qosyldy. Jobany Ádilet mınıstrligi, Respýblıkalyq jeke sot oryndaýshylar palatasy, Іshki ister mınıstrligi, Bas prokýratýranyń Quqyqtyq statıstıka jáne arnaıy esepke alý komıteti birlesip ázirledi.

Talǵat Ýálıdiń aıtýynsha, osy jobany engizýdiń arqasynda sot oryndaýshylary men ishki ister organdary arasyndaǵy qaǵaz qujat aınalymy qysqartyldy. Avtokólik quraldarynan tyıym salýdy alý onlaın tólemnen keıin avtomatty túrde júrgiziledi. Sondaı-aq, sot oryndaýshylarynyń qaýlylaryn óńdeýde adamı faktor joıyldy.

«Budan basqa, onlaın tólem jasaǵannan keıin ishki ister organdaryna avtokólik quraldarynan shekteýdi alyp tastaý úshin qaýlyny jiberý boıynsha sot oryndaýshylaryna júginý qajettigi joq, óıtkeni barlyq qajetti is-áreketter avtomatty túrde elektrondyq formatta júrgiziletin bolady»,- dep atap ótti resmı ókil.