Sot oryndaýshylary ınstıtýtyn qurýdy kózdeıtin jobaǵa baılanysty kelisim komıssııasy qurylady - Parlament
ASTANA. Qarashanyń 11-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Atqarýshylyq is júrgizý jáne sot oryndaýshylarynyń mártebesi týraly» zań jobasyna Parlament Senaty engizgen ózgeristerdi talqylady.
Ol boıynsha qos palata arasyndaǵy kelispeýshilikterdi eńserý úshin kelisim komıssııasyn qurý týraly sheshim qabyldandy, dep habarlaıdy QazAqparat.
Atalǵan zań jobasy boıynsha elimizde oryndaýdyń memlekettik júıesimen qatar jeke sot oryndaýshylary ınstıtýtyn qurý maqsaty kózdelip otyr. Bul óndirip alýshylarǵa memlekettik nemese jeke sot oryndaýshysyna júginýdi tańdaý quqyǵyn beredi. Mamandardyń pikirinshe, jeke sot oryndaýshylarynyń ınstıtýtyn engizý qosymsha bıýdjet qarajattaryn jumsamaı-aq oryndaýdyń memlekettik júıesiniń júgin jeńildetýge múmkindik týǵyzady. Tutastaı alǵanda, zań jobasyn qabyldaý sot sheshimderiniń oryndalý sapasyn arttyrady jáne sot pen ózge de organdar aktileriniń naqty ári múltiksiz oryndalýyna járdemdesedi. Sondaı-aq jeke oryndaýshylyq ınstıtýtyn engizý bıýdjetke túsetin salyq túsimderiniń ulǵaıýyna sep bolady.
Senat Májilis maquldaǵan zań jobasyna sot oryndaýshylarynyń erejeleri men mártebesin retteýge jáne eriksiz oryndaý tetikterine qatysty baptardy tolyqtyrǵan. Budan basqa, birqatar naqtylaý sıpatynda túzetýler jasaǵan bolatyn. Májilis depýtattary bundaı túzetýlerdiń birqataryna kelispeýshilik tanytty. Soǵan oraı, qos palata arasynda kelisim komıssııasyn qurý týraly sheshim qabyldanyp, onyń quramyna Májilis depýtattary saılandy.
