Sot oryndaýshylary byltyr Astana qalasy boıynsha memleket kirisine tek 4,9 paıyz bereshekti óndirdi
ASTANA. 9 tamyz. QazAqparat - Astana qalasy boıynsha 2011 jyly sot oryndaýshylary tek bereshektiń 4,9 paıyzyn ǵana memleket kirisine óndirdi.
Bul týraly búgin Astana prokýratýrasynda ótken brıfıngte sottarda memleket múddesine ókildik etý jónindegi basqarma basshysy Baqytjan Alashov málim etti.
«Tekseris barysynda birqatar zań buzýshylyqtar anyqtaldy. Bizdiń erekshe nazarymyzdy aýdarǵan másele, memleket kirisine óteletin soma tóńireginde boldy. Bul rette 2011 jyly atqarylýǵa tıisti 69 qujat bolsa, onyń tek 21 myńy ǵana oryndalǵan. Bul 4,9 paıyzdy ǵana quraıdy, ıaǵnı 225 mlrd. teńgeniń tek 11 mlrd. teńgesi ǵana oryndalǵan», - dedi B.Alashov.
Onyń aıtýnysha, 2012 jyldyń birinshi toqsanynda Astana qalalyq sot aktilerin oryndaý jónindegi departamentte 178 mlrd. teńge somasyndaǵy qujattar bolǵan. Olardyń tek 1,5 mlrd. teńgesi ǵana oryndaldy.
Budan bólek, B.Alashovtyń sózine qaraǵanda, tárkilengen múlikti esepke alý, saqtaý jáne baǵalaýǵa qatysty zań buzýshylyqtar da anyqtalǵan.
