Sot oryndaýshylarda 9 trln teńgeden asatyn 6,8 mln qujat bar - mınıstrlik

NUR-SULTAN. QazAqparat – Sot oryndaýshylardyń óndirisinde jalpy kólemi 9 trln teńgeden asatyn 6 mln 760 642 qujat bar. Ádilet vıtse-mınıstri Azamat Ámirǵalıev ádilet organdarynyń 2021 jylǵy jumysyn qorytyndylaýǵa arnalǵan keńeıtilgen alqa májilisinde aıtty, dep habarlaıdy QazAqparat tilshisi.

«Sot oryndaýshylardyń óndirisinde jalpy kólemi 9 trln teńgeden asatyn 6 mln 760 642 qujat bar. Bul 2020 jylmen salystyrǵanda 30% kóp. Shamamen 300 mlrd teńge bolatyn 2 mln 349 166 qujat tolyq oryndaldy. Bul – óndiristegi qujattardyń 74%-y», -deıdi mınıstrdiń orynbasary.

Sondaı-aq ol sot sheshimi oryndaı almaı júrgen boryshkerlerdi jumysqa ornalastyrý máselesine jiti kóńil bólingenin atap ótti. Mysaly, 2020 jyly 1 559 boryshker jumysqa turǵyzylsa, bıyl bul kórsetkish áldeqaıda ósken.

«2 224 boryshker jumysqa turǵyzyldy. Shaǵymdar sany eki ese azaıdy», - dedi Azamat Ámirǵalıev.

Onyń málimeti boıynsha memlket esebinen qyzmet kórsetetin 5 700 advokat tirkelgen. Bir jyl ishinde 122 myńnan astam azamat kepildendirilgen zań kómegin aldǵan. Ol úshin bıýdjetten 1 mlrd 866 mln teńge bólingen. Áleýmettik jaǵdaıy tómen 11 myńnan astam azamatqa tegin zańgerlik kómek kórsetilgen.