Sot oryndaýshylar jem óndirý zaýytynyń qurylysyn negizsiz shektegen

ASTANA. KAZINFORM – Astana prokýratýrasyna «Aýyl sharýashylyǵy janýarlaryna arnalǵan jem óndirý zaýytynyń» ókili «Astana Green Agro» JShS shaǵym túsirgen.

Sot oryndaýshylar «Astana Green Agro» qurylysyna negizsiz shekteý qoıyp, 4 aıdan astam ýaqyt jumysyn toqtatyp qoıǵan.

Atalmysh kásiporyn zaýyttyń qurylysyna 2 mlrd teńge ınvestıtsııa salý josparlanǵan. «Aýyl sharýashylyǵy janýarlaryna arnalǵan jem óndirý zaýytynyń qurylysy» jobasy júzege assa, 100 jumys orny ashylady dep josparlanyp otyr.

Investor búgingi tańda óz qarajatynan 900 mln teńgege jýyq ınvestıtsııa jumsaǵan.

Prokýrordyń aralasýymen qadaǵalaý aktisi boıynsha sot oryndaýshysynyń shekteý sharalary joıyldy. Jumys jalǵasyn tapty.