Sot oryndaýshy robottardyń arqasynda Jambyl oblysynyń turǵyndary 140 mln teńgesin únemedi
ASTANA. KAZINFORM –Usaq qaryzdardy óndiretin avtomattandyrylǵan júıe óńir turǵyndarynyń jeke sot oryndaýshylaryna shyǵyndanbastan, sot sheshiminiń jedel shyǵýyna yqpal etti.
2025 jyly Jambyl oblysynda 27 974 atqarýshylyq is avtomatty rejımde aıaqtaldy. Bul — memleket paıdasyna óndiriletin, kólemi 20 AEK-ten aspaıtyn bereshekterge qatysty ister, olar jeke sot oryndaýshylarynyń qatysýynsyz oryndalady.
«Robot-sot oryndaýshy» atalyp ketken júıe boryshkerge ózdiginen habarlama joldap, bank shottaryna tyıym salady jáne qarajat bolǵan jaǵdaıda ony avtomatty túrde óndirip alady. Osy tetiktiń nátıjesinde bıýdjetke 562 mln teńge óndirip alyndy.
Ádilet departamentiniń málimetinshe, mundaı mehanızm eń aldymen azamattardyń ózine tıimdi. Mamandardyń esebine súıensek, oblys turǵyndary ádettegi jaǵdaıda jeke sot oryndaýshylaryna 140,6 mln teńgeni tóleıtin edi.
Vedomstvo atap ótkendeı, avtomattandyrý tek qarjylyq shyǵyndardy azaıtyp qana qoımaı, sheshimderdiń oryndalý merzimin qysqartyp, azamattardy artyq qaǵazbastylyqtan qutqarady.
Osyǵan deıin sot oryndaýshylarǵa AdiletGov mobıldi qosymshasy arqyly shaǵymdanýǵa bolatyny týraly jazdyq.