Sot organdarynyń ǵımaratynda kelýshilerdi ótkizý rejimi ózgerdi
Baspasóz málimetterine qaraǵanda, «Qazaqstan Respýlıkasy Joǵarǵy Sotynyń, Qazaqstan Respýblıkasy jergilikti sottarynyń, Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) jáne onyń aýmaqtyq organdarynyń aýmaǵy men ǵımarattarynda ótkizý jáne obektishilik rejımdi qamtamasyz etý jónindegi qaǵıdalardy (Qaǵıda) bekitý týraly» Joǵarǵy Sot janyndaǵy Sottardyń qyzmetin qamtamasyz etý departamenti men Іshki ister mınıstrliginiń birlesken buıryǵy qoldanysqa endi.
«Qaǵıdalardy ázirleý kezinde «Úlgili sot» jobasyn qoǵamdyq talqylaý sheńberinde sýdıalardan, advokatýra jáne Sot reporterleriniń gıldııasynan kelip túsken usynystar eskerildi. Qaǵıdalardy qabyldaýǵa «Tsıfrlyq Qazaqstan» memlekettik baǵdarlamasyn iske asyrý aıasynda sottarda aqparattyq-kommýnıkatsııalyq tehnologııalardy belsendi qoldaný yqpal etti»,-dilengen habarlamada.
Qaǵıda kelýshiler, protseske qatysýshylar, sot protsesine qatysatyn ózge de adamdar, sondaı-aq ashyq sot otyrysyna qatysýǵa nıet bildirgen adamdar úshin respýblıka sot organdarynyń aýmaǵy men ǵımarattaryndaǵy ótkizý jáne obektishilik rejımdi qamtamasyz etý tártibin reglamentteıdi.
Osy Qaǵıdalarǵa engizilgen jańa uǵymdardyń birine sáıkes, sot ǵımaratynyń kópshilik kiretin bóligi degenimiz - kútý zaldary, sot otyrystarynyń zaldary, hat-habarlardy qabyldaý jáne berý úı-jaılary, front-ofıster. Ǵımarattyń dál osy bóligine sot protsesine qatysýshylar jazatyn qurylǵylardy, eseptegish tehnıkany, mobıldik qurylǵylardy (ınternet modýlderi bar uıaly telefondar, smartfondar, planshetter), aqparatty mashınalyq tasymaldaǵyshtardy (flesh-kartalar, USB-dıskiler t.s.s.), sondaı-aq derekter berýdi qamtamasyz etetin jáne Internet jelisine shyǵý múmkindigi bar basqa da tehnıkalyq qurylǵylardy alyp kirýine bolady.
Buqaralyq aqparat quraldarynyń ókilderi endi sot aýmaǵy men ǵımarattaryna mobıldik qurylǵylarymen, beıne-, kıno jáne fotoapparatýralarymen birge kirý quqyǵyna ıe. Olardy BAQ ókilderiniń paıdalaný máselesin tóraǵalyq etýshi sýdıa QR QPK-niń 345-babyna, QR APK-niń 19-babyna jáne QR ÁQBtK-niń 21-babyna sáıkes sheshedi.
