Sot Ońtústik Koreıanyń burynǵy prezıdentin kepilge bosatýdan bas tartty
ASTANA.KAZINFORM - Beısenbi kúni Seýl soty burynǵy prezıdent ıÝn Sok Eldyń aıǵaqtardy joıyp jiberýine alańdaýshylyq bildirip, kepilge bosatý týraly ótinishin qabyldamady.
Yonhap agenttiginiń habarlaýynsha, Seýl ortalyq aýdandyq soty mundaı sheshimdi burynǵy prezıdent qorǵanys quqyǵyna jáne densaýlyǵyna baılanysty ótken aıda kepilge bosatý týraly ótinish bergennen keıin qabyldaǵan.
Alaıda, sot aıyptalýshynyń dáleldemelerdi joıyp jiberýi múmkin degen alańdaýshylyq bar ekenin jáne onyń kepildeme týraly ótinishin qanaǵattandyrýǵa bultartpas negiz kórmegenin málimdedi.
Arnaıy prokýrorlar toby da bul sheshimdi qoldady.
Burynǵy prezıdent shilde aıynan beri qamaýda otyr. Ony ekinshi ret jeltoqsan aıynda elde áskerı jaǵdaı jarııalamaq bolǵany úshin tutqyndady.
Ótken aptada kepilge qatysty sot otyrysynda saıasatker 18 mınýt sóılep, qamaýda bolý onyń sot otyrystaryna qatysýyn jáne tergeýshilerdiń jaýap alýyn qıyndatatynyn málimdedi.
Esterińizge sala keteıik, ıÝn Sok El qyrkúıek aıynyń sońynda kepildikke shyǵýdy surady. Ol óz ýájinde sot protsesine daıyndalý jáne densaýlyǵyn qalypqa keltirý qajettigin jetkizdi.
Saıasatkerdiń áıeli, Ońtústik Koreıanyń burynǵy birinshi hanymy Kım Kon Hı de 12 tamyzdan beri qamaýda otyr. Oǵan aktsııalar baǵasyn qoldan jasady degen aıyp taǵyldy.