Sot ókilderi isti bolǵandardyń barlyǵyn jappaı túrmege toǵytýǵa umtylyp otyrǵan joq - Joǵarǵy sot
ASTANA. 19 sáýir. QazAqparat - «Aýyr qylmys jasaǵany úshin sottalǵandardyń 49 paıyzy búgin bas bostandyǵynan aıyrý sharasymen baılanysty emes jaýaptarǵa tartylyp otyr.
Bul týraly búgin Joǵarǵy sot tóraǵasy Bektas Beknazarov bıylǵy jyldyń birinshi toqsanynyń qorytyndysyna baılanysty jergilikti jáne ózge de sot ókilderimen bolǵan selektorlyq májiliste aıtty.
Joǵarǵy sot tóraǵasynyń májiliske qatysyp otyrǵan buqaralyq aqparat quraldarynyń ókilderine qarata aıtqan sózinshe, sot qyzmetkerleri isti bolǵandardyń barlyǵyn jappaı túrmege toǵytýǵa umtylyp otyrǵan joq. «Áıtpese túrme reformalary jónindegi qaıbir qaýymdastyq ókilderi túrli málimdemeler jasaýda. Alaıda men mundaı salmaqty málimdemelerdiń naqty derekter men málimetterge negizdelýi kerektigin aıtqym keledi. Іsti bolǵan kez-kelgen azamat óziniń istegen áreketine qaraı jaýap berýi kerek»,-dedi Joǵarǵy sot tóraǵasy.
Osy rette ol jaza qoldaný máselesi qashanda sot qyzmetkerleriniń nazarynda bolýy kerektigin eskertti. «Sot tájirıbesin muqııat zerttep-zerdelep, negizsizden-negizsiz eshkimniń de temir torǵa qamalmaýyn qamtamasyz etý kerek. Al shyn máninde azamattarǵa qasiret ákeletin aýyr qylmys jasaǵandar zań talaptary boıynsha qatań jaýapqa tartylýlary kerek», - dedi B.Beknazarov.
