Sot músheleri jemqorlyq áreketterine qatań jaza qoldanýǵa múddeli - Joǵarǵy sot sýdıalarynyń jalpy otyrysy
ASTANA. Shildeniń 9-y. QazAqparat /Aıdar Ospanalıev/ - «Sýdıalar arasynda jemqorlyq áreketteri kóbeıip ketti degen pikirmen kelispeımin», dedi Qostanaı oblystyq sotynyń tóraǵasy Baǵlan Maqulbekov. Bul pikirin ol búgin elimizdiń sot júıesiniń jarty jyldyq qorytyndysyna arnalǵan Joǵarǵy sot sýdıalarynyń jalpy otyrysynda bildirdi.
«Jumys bolǵan soń qateliktiń de bolýy zańdy. Biraq qazirgi tańda elde sybaılas jemqorlyqpen qatań kúres júrip jatyr jáne bul baǵyttaǵy jumystar nátıjesiz de emes. Sýdıa laýazymyn ıemdengen árbir azamat Prezıdent pen halyqqa adal qyzmet etetinin aıtyp, Ant qabyldaıdy. Menińshe sýdıalar osy Antta aıtylǵan máseleler tóńireginde jumys istep jatyr dep oılaımyn. Al sot sheshimderiniń keı jaǵdaıda ózgerip jatatyny ras. Alaıda ol sybaılas jemqorlyqpen baılanysty emes. Árıne, sýdıalar arasynda jemqorlyqqa jol bermeý basty maqsat. Sondyqtan biz mundaı jaǵdaılar oryn ala qalǵan jaǵdaıda da oǵan qatysty qatań shara qoldanýǵa múddelimiz», dedi oblystyq sot tóraǵasy.
